المواقع والذكاء الاصطناعي
أسوي موقعي بمنصة ذكاء اصطناعي؟
لموقع بسيط تبيه شغال هالأسبوع، نعم — سريعة ورخيصة وتكفي. أما أي شي بتشغّل عليه إعلانات أو تبيه يظهر بجوجل، فاحكم على النتيجة مو على الأداة: نفس الفحوصات تنطبق مهما كان اللي بناه.
شعيبآخر تحديث 4 دقيقة قراءة
شنو تنفع له فعلًا؟
- تطلّع شي شغال بسرعة بدل ولا شي لشهور
- مسودة أولى للبنية والنصوص تصلّحها بعدين
- مواقع بسيطة — خدمة وحدة، معرض أعمال، صفحة روابط
- توفير فلوس بالمرحلة اللي ما عندك فيها فلوس تصرفها
وين تضعف؟
| المشكلة | ليش تهم |
|---|---|
| نصوص عامة | تقرأ مثل نصوص الكل، فما تقنع أحد |
| عربي ضعيف | العربي الآلي واضح للقارئ الكويتي |
| ما في عرض | تعرّف عنك بدل ما تطلب البيعة |
| صفحات ثقيلة | بطيئة على بيانات الجوال، وتضيّع زوار |
| التقييد | بعضها يصعّب نقل محتواك لمكان ثاني |
ومشكلة النصوص هي المشكلة الحقيقية. المنصة تقدر ترتّب صفحة؛ لكنها ما تعرف ليش زبائنك يختارونك إنت.
شنو أتأكد منه قبل ما ألتزم؟
- أقدر أسجّل الدومين باسمي؟ الـ.com حوالي 10–11 دولار سنويًا بسعر التكلفة
- أقدر أصدّر محتواي إذا طلعت؟
- كم تحمّل الصفحة على تلفون ببيانات الجوال؟
- هل العربي شي ترسله لزبون فعلًا؟
- هل بالصفحة إجراء واحد واضح — واتساب، اتصال، شراء؟
هل تفرق للإعلانات؟
بس من ناحية النتيجة. إنت تدفع على كل ضغطة تنزل على الصفحة، فسرعتها ووضوحها يغيّرون تكلفة البيعة — شوف شنو يعني صفحة هبوط وليش الإعلانات تجيب ضغطات بدون مبيعات.
وكانفا تستاهل تعرف عنها هني بعد — شوف أقدر أسوي موقعي بكانفا.
تبي صفحة مكتوبة عشان تبيع، مو بس مولّدة؟ اطّلع على خدمة صفحات الهبوط — وإعلانات ميتا عشان تعمّرها بالمشترين.