المواقع والذكاء الاصطناعي
أخلّي روبوتات الذكاء الاصطناعي مثل GPTBot تدخل موقعي ولا لا؟
لأغلب المشاريع اللي تبي عملاء، إي: على الأقل خلّ روبوتات البحث الذكي تدخل، لأن منعها ممكن يطلّعك من إجابات الذكاء الاصطناعي. بس GPTBot قصة ثانية: OpenAI تقول إنه يجمع محتوى للتدريب، وتقدر تمنعه بدون ما تطلع من بحث ChatGPT.
شعيبآخر تحديث 3 دقيقة قراءة
كل روبوت شنو يسوي؟
| الروبوت | الشركة | شغله حسب وثائق الشركة |
|---|---|---|
| GPTBot | OpenAI | محتوى ممكن يُستخدم لتدريب نماذجها |
| OAI-SearchBot | OpenAI | إظهار المواقع بنتائج بحث ChatGPT |
| ChatGPT-User | OpenAI | يزور صفحة لما مستخدم يطلب؛ مو زحف تلقائي |
| Google-Extended | رمز في robots.txt لتدريب Gemini؛ ما يأثر على بحث جوجل | |
| ClaudeBot | Anthropic | محتوى ممكن يُستخدم للتدريب |
| Claude-SearchBot | Anthropic | تحسين نتائج البحث في Claude |
وOpenAI تنبّه إن ChatGPT-User، لأن الزيارة بدأها شخص، ممكن قواعد robots.txt ما تنطبق عليه.
شنو الموازنة؟
- امنع روبوتات التدريب (GPTBot وClaudeBot وGoogle-Extended) إذا ما تبي محتواك يدرّب نماذج الذكاء الاصطناعي. وOpenAI وجوجل يقولون إن هذا منفصل عن الظهور بالبحث.
- اسمح لروبوتات البحث (OAI-SearchBot وClaude-SearchBot) إذا تبي تنلقى وتنذكر بإجابات الذكاء الاصطناعي. وOpenAI تنصح تسمح لـ OAI-SearchBot عشان جذي.
حل وسط منتشر في robots.txt:
User-agent: GPTBot
Disallow: /
User-agent: OAI-SearchBot
Allow: /
شنو أشيك عليه أول؟
منصات المواقع وأدوات الحماية ممكن تكون مضبوطة تمنع روبوتات الذكاء الاصطناعي، فافتح yoursite.com/robots.txt وشوف شنو فيه قبل لا تقرر. بعدين اقرا كيف أظهر في بحث ChatGPT، وشنو ملف llms.txt، ولأن إجابات الذكاء الاصطناعي مو قناتك الوحيدة، شنو هو التسويق عبر محركات البحث (SEM).
تبي موقعك يتجهز للبحث الذكي كجزء من التسويق الإلكتروني؟ اطّلع على خدمة SEO وGEO وAEO.