التسويق الرقمي
أي منصة أفضل لإعلانات إعادة الاستهداف؟
أفضل منصة لإعادة الاستهداف هي اللي يقضي فيها زوارك وقتهم — والأربع منصات الكبار كلهم يقدرون. والفرق العملي هو كم زيارة تحتاج قبل ما توافق كل منصة تشغّل إعلانك فعلًا.
شعيبآخر تحديث 4 دقيقة قراءة
شنو يطلبه كل منصة؟
| المنصة | الحد الأدنى المعلن للجمهور |
|---|---|
| شبكة العرض من جوجل | 100 مستخدم نشط بآخر 30 يوم |
| بحث جوجل ويوتيوب | 1000 مستخدم نشط بآخر 30 يوم |
| تيك توك | 1000 مستخدم مطابق بالجمهور المخصص |
| سناب شات | حوالي 1000 مستخدم مطابق لكل حدث بكسل |
هذا الجدول يقرر أكثر من التفضيل الشخصي. إذا موقعك يجيه بضع مئات زيارة بالشهر، غالبًا شبكة العرض من جوجل هي الوحيدة اللي بتوصّل إعلانك أصلًا.
طيب كيف أختار؟
- زياراتك قليلة؟ ابدأ بإعادة الاستهداف على شبكة عرض جوجل — حد الـ100 هو الأقل
- زيارات ثابتة ومنتج بصري؟ إعادة الاستهداف على ميتا، لأن نفس الزائر يشوفك بانستقرام وفيسبوك
- جمهور كويتي شاب؟ سناب وتيك توك، إذا تعديت حد الـ1000 مستخدم مطابق
- متجر إلكتروني؟ إعادة استهداف بالكتالوج، عشان يشوف نفس المنتج اللي تركه
شنو اللي لازم يُركّب أول؟
كود التتبّع، بكل الصفحات، قبل أي شي من هذا. وكل منصة لها كودها: بكسل ميتا، ووسم جوجل، وبكسل تيك توك، وبكسل سناب. وصفحات سناب تذكر إنها تنشئ جمهور تلقائي لكل حدث بكسل أول ما يوصل 1000 مستخدم مطابق — يعني لازم البكسل يكون شغال من فترة قبل ما تستفيد منه.
شنو يقول إعلان إعادة الاستهداف؟
مو نفس كلام إعلانك الأول. شوف شنو يعني ريتارقتنق وكيف تبدأ وكم تكلّف إعلانات إعادة الاستهداف.
تبي زوارك يُتابَعون صح بدل ما يضيعون؟ اطّلع على خدمة إعلانات ميتا.