التسويق الرقمي
كيف أسوّق عيادة في الكويت؟
تسويق العيادة يتحدد بشغلتين: قواعد المنصات في إعلانات الصحة، وكم تسهّل عملية الحجز. وأغلب إعلانات العيادات المرفوضة تسقط بسبب الصورة، مو بسبب الكلام.
شعيبآخر تحديث 3 دقيقة قراءة
⚠️ هذي الصفحة تنقل اللي تنشره المنصات عن قواعدها الإعلانية. وهي ليست استشارة طبية ولا قانونية ولا تنظيمية — راجع التزاماتك بنفسك قبل الإعلان عن خدمة صحية.
شنو اللي ما تسمح فيه المنصات؟
معايير ميتا الإعلانية الخاصة بالصحة والعافية تذكر إن الإعلانات ما تستخدم صور "قبل وبعد" لعرض نتائج مثالية، وما تلفت الانتباه لحالة معينة بصور مقرّبة، وما تُشعر الشخص بنظرة سلبية عن نفسه عشان تروّج منتج صحي. وهذي القواعد تمسك أغلب إعلانات العيادات قبل ما يشوفها أحد — شوف بعد ليش انرفض إعلاني.
شنو تقدر تعرض بدالها؟
| بدال | اعرض |
|---|---|
| صور قبل وبعد | الطبيب وهو يشرح العلاج |
| صور مقرّبة لحالة | العيادة، والغرفة، والأجهزة |
| ادعاءات عن النتائج | شنو يصير في أول موعد |
| عروض تبدأ بالسعر | طريقة حجز واضحة وسهلة |
من وين تجي الحجوزات فعلًا؟
- الملف التجاري على جوجل — إذا المرضى يزورونك فعليًا، هذا أول شي تصلحه. ومساعدة Google Business Profile توصف الترتيب المحلي بالملاءمة والمسافة والشهرة، وتذكر إنه "ما في طريقة تطلب فيها أو تدفع مقابل ترتيب محلي أفضل"
- نماذج العملاء أو الواتساب — أغلب الناس هني يفضّلون يرسلون رسالة بدل ما يعبّون نموذج، والمقارنة في نماذج العملاء ولا إعلانات الواتساب
- سرعة الرد — استفسار يُرد عليه خلال دقائق يتحوّل أفضل بكثير من استفسار يُرد عليه باچر
- إعادة الاستهداف — الناس تبحث عن العيادة أسابيع قبل ما تحجز
وللأرقام، اقرأ شنو تعني تكلفة العميل المحتمل.
تبي استفسارات تتحوّل فعلًا لمواعيد؟ اطّلع على خدمة جذب العملاء.